NYAKUBAHWA PEREZIDA WA REPUBULIKA Y’U RWANDA PAUL KAGAME
Umukuru w’igihugu yagize ati “Impamvu ya mbere mufite imico mibi irimo n’ubwirasi, iki gihugu cyanyu muzagisenya. Muri abirasi kandi mwiratana ubusa, mwiratana iki?
Abayobozi muri hano mwiratana iki?”
Perezida Kagame yavuze ko niba abayobozi bemeye kujya mu nzego z’ubuyobozi, batagomba guhunga inshingano, ahubwo bakwiriye gukorwa cyangwa niba batabyemera bakajya gukora ahandi bakora ibyo bashaka.
Ati “Uwiba aziba wenda agire ibyago bamufate afungwe cyangwa uzakora andi marorerwa aho muzaba mwagiye muhure n’ingaruka zayo.”
Perezida Kagame yavuze ko kwibagirwa ibifitiye inyungu abaturage ari icyaha.
Yakomeje agira ati “ Ubu muri aha muri abayobozi b’Abanyarwanda mwikorera ibyo mushatse? Ntawe uzababaza, ntawe uzabakurikirana n’ibi mwavugaga mugiye kwinenga, hari ikintu cyangombwa mutavuze.
Ntabwo nigeze numva mu myanzuro muvuga uko muzakurikirana uko ibi muvuye hano musezeranye bizashyirwa mu bikorwa.”
INAMA NYUNGURANABITEKEREZO Y’ABAYOBOZI B’INZEGO BWITE ZA LETA N’INZEGO Z’IBANZE
Umukuru w’Igihugu yavuze ko hari ibyo abona ku mbuga nkoranyambaga, abaturage batakamba, akabyoherereza abayobozi ababaza ibyo ari byo, bakamusubiza ko batabizi.
Yibaza ukuntu batamenya ibintu bibera mu gace kabo.
Perezida Kagame yavuze ko bitumvikana ukuntu n’ikintu kibi gikorwa abantu bakireba, ntihagire uvuga ati “sigaho”.
Muri rusange, iyi nama yasize yerekanye ko ubuyobozi bwegereye abaturage bufite uruhare rukomeye mu iterambere ry’igihugu, bityo ko hakenewe ubwitange n’imikoranire myiza kugira ngo ibyifuzo by’abaturage bigerweho.
UMWANDITSI:UMUGWANEZA Eminente/PACISTV/KIGALI