Ni imikino yitabiriwe na Nyiricyubahiro Antoine Cardinal KAMBANDA Arikiyepisikopi wa Kigali aho iyo mikino yatangijwe na Myr Jean Bosco NTAGUNGIRA Musenyeri wa Diyoseze ya Butare. Abakinnyi batangiye bakina umukino wa volleyball bakomereza kuri basketball aho baza gusoreza muri st Andre bakina umukino wa football.
Nyiricyubahiro Antoine Cardinal KAMBANDA Arikiyepisikopi wa Kigali ndetse na Myr Jean Bosco NTAGUNGIRA Musenyeri wa Diyoseze ya Butare batangiza imikino .
Muri uyu mukino wa valleyball Diyoseze ya Butare garagaje ishyaka cyane, Seti ya mbere irangiye Diyoseze ya Butare itsinze amanota 26 Archidiyoseze ya kigali isoza seti ya mbere ifite amanota 24.
Ni ibintu byakomeje kugorana ku ruhande rwa Archidiyocese ya Kigali aho babimye amahirwe abakinnyi ba Diyoseze ya Butare n’ubundi seti ya kabiri irangira bihariye insinzi aho bari bafite amanota 25 kuri 17 ya Archidiyoseze ya Kigali.
Kuruhande rwabakinnyi baganiriye na Pacis TV bavuga ko ari umwanya mwiza wo kwidagadura babisanisha no gukora ubutumwa bwiza cyane bibanda mu rubyiruko barusanga mu bikorwa ruhuriramo kuko aribo mizero ya kiliziya y’ejo hazaza.
ABAPADIRI BAKINNYE UMUKINO WA GICUTI WAHUJE DIYOSEZE YA BUTARE NA ARCHIDIYOCEZE YA KIGALI
UMWANDITSI:MUSHIMIYIMANA Aline Pacis TV /Kigali