Skip to main content

Pacis TV

PACISTV

Abanyeshuri barashima uburyo imiryango ya Agisiyo Gatolika ibafasha kwitwara neza mu buzima bwo kwishuri

Pacistv Rwanda

Abanyeshuri bavuga ko imiryango ya Agisiyo Gatolika ibafasha mu buzima bwo ku ishuri, ni ababarizwa mu muryango wa Karisematike (Ivugururwa muri Roho mu tagatifu), bari bitabiriye ihuriro ry’Abakarisematike biga mu bigo by’amashuri yisumbuye bibarizwa muri Diyosezi ya Kabgayi.

ABANYESHURI BO MU BIGO BITANDUKANYE BYA KABGAYI BITABIRIYE IHURIRO RY’ABAKARISEMATIKEA MURI BAZILIKA NTOYA YA KABGAYI

Umwe muri aba banyeshuri bitabiriye ihuriro ry’akarisematike avuga ko kuba mu muryango wa Agisiyo Gatolika bimufasha kugira imyitwarire myiza bikamurinda kunanirana ku ishuri cyangwa se kwishora mu ngeso mbi.


Aragira ati: “ Jyewe navuga ko umuryango w’abakarisematike mbamo, kuva nawujyamo byamfashije kwitwara neza mu buzima bwo ku ishuri, kuko bituma mbaho nubaha abayobozi n’abarimu banjye, ndetse bikamfasha kutishora mu ngeso mbi, ku buryo navuga ko kuba mu muryango wa Agisiyo Gatolika bimfasha kwitwara neza mu buzima bwanjye”.

Mugenzi we nawe wiga mu Rwunge rw’amashuri rwaragijwe Mutagatifu Yozefu rwa Kabgayi avuga ko kuba mu muryango wa Agisiyo gatolika bimufasha kuba umwana ushoboye kandi ushobotse.


Ati: “Kuri jyewe kuba mu muryango wa agisiyo Gatolika, bimfasha kugira imico myiza, ikinyabupfura no kubana na bagenzi banjye mu mahoro, ubundi bikamfasha kwitoza kuba umwana ushoboye kandi ushobotse, bityo nkavuga ko kuba ndi muri Karisematike bimfasha kuba umuntu ushobotse”.

ABAKARISEMATIKE BO MURI PETIT SEMINAL ST LEO BITABIRIYE IHURIRO RY’ABAKARISEMATIKE

Umushumba wa Diyosezi ya Kabgayi ubwo yatangizaga umwaka w’ukwemera, akaba yarashimangiye ko imiryango ya Agisiyo Gatolika ifasha Abakristu gukomera mu kwemera no kugira indangagaciro z’ukwemera.


Yagize ati: “Nibyo imiryango ya Agisiyo Gatolika muri Rusange abayirimo ibafasha gukomera mu kwemera bakera n’imbuto z’ubukristu, ku buryo uyu mwaka w’ukwemera twihaye intego yo kwita ku miryango ya Agisiyo Gatolika dushishikariza abakiri bato kuyigana kugirango ibafashe mu mubano wabo n’Imana”.


Aba banyeshuri bari mu muryango wa Karisematike, (Ivugururwa muri Roho Mutagatifu”, baturuka mu bigo birenga 30 byo muri Diyosezi ya Kabgayi bakoze ihuriro, bakaba bavuga kandi ko kuba mu muryango wa Agisiyo Gatolika, byabafashije kumva ko muri iki muri iki gihe cy’igisibo bafite inshingano zo kwicisha bugufi no gufasha abatishoboye bahereye kuri bagenzi babo babana nabo, mu buzima bwo ku ishuri, ariko usanga bagorwa no kubona ibikoresho nkenerwa byose nk’abanyeshuri.

UMWANDITSI:AIMABLE UWIZEYIMANA/PACISTV /KABGAYI

Izindi nkuru wasoma

Load More

Samuel Habumugisha ufite ubumuga bwo kutabona wabaye uwa mbere mu gihugu mu bizamini bya Leta bisoza amashuri yisumbuye yahembwe n’Akarere ka Nyaruguru.

Samuel Habumugisha, ufite ubumuga bwo kutabona, yabaye uwa mbere mu gihugu mu bizamini bya Leta bisoza amashuri yisumbuye mu ishami ry’Indimi n’Ubuvanganzo, agira amanota 93%. Intsinzi ye yashimishije umuryango we n’ubuyobozi bw’Akarere ka Nyaruguru, bwamushimiye bunasaba ababyeyi kudapfukirana impano z’abana bafite ubumuga. Samuel Habumugisha, ukomoka mu Karere ka Gicumbi, yatangiye kugira ubumuga bwo kutabona afite imyaka igera kuri itatu. Yize amashuri abanza n’ayisumbuye mu Kigo cya Education Institute for Blind

October 14, 2026 No Comments